21 лютага ў раённай дзіцячай бібліятэцы адбылося мерапрыемства "Беларуская мова - матчына песня, бацькава слова", прысвечанае Міжнароднаму дню роднай мовы. Удзел у мерапрыемстве прынялі дзеці і выхавацелі ДУА "Яслі-сад №12 "Бярозка" г.Салігорска". Каб даць магчымасць удзельнікам адчуць смак роднай мовы бібліятэкары прачыталі беларускую народную казку і вершы сучасных пісьменнікаў, правялі гульню "Мая Радзіма Беларусь", паказалі лялечны спектакль "Піліпка-сынок" па матывах беларускай народнай казкі. Дзеці і выхавацелі падрыхтавалі і прачыталі цікавыя вершыкі на роднай мове.
Для ўдзельнікаў мерапрыемства была створана кніжная выстава з прыгожымі беларускімі выданнямі для дашкольнага і малодшага школьнага ўзросту.
