27 студзеня ў межах літаратурна – краязнаўчага аб’яднання “Вытокі” раённай цэнтральнай бібліятэкі з дапамогай платформы ZOOM прайшла анлайн – сустрэча “ІВАН ШАМЯКІН. ЛЕТАПІСЕЦ ЭПОХІ”, прысвечаная 100-годдзю з дня нараджэння Івана Шамякіна. Удзельнікамі сустрэчы былі вучні ДУА “Гімназія №2 г. Салігорска” і ДУА “Хорастаўская сярэдняя школа Салігорскага раёна”. У ходзе мерапрыемства бібліятэкар Н. Мігун пазнаёміла вучняў з малавядомымі фактамі з жыцця і творчасці пісьменніка, а удзельнікі сустрэчы падрыхтавалі інтэрв’ю - імправізацыю. Роль карэспандэнта выканала Аляксандра Мароз з ДУА “Хорастаўская сярэдняя школа Салігорскага раёна”, а роль Івана Пятровіча Шамякіна - вучань ДУА “Гімназія №2 г. Салігорска” Даніла Бранавіцкі.