"Сэрца на далоні", "Вазьму твой боль", "Трывожнае шчасце"... Гэты пералік можна працягваць яшчэ доўга. І які б твор не называлі, чытач абавязкова ўзгадае яго аўтара - народнага пісьменніка Беларусі Івана Шамякіна. "Талент, дадзены Богам" - гэта сапраўды пра яго. Пад такой назвай прайшло 30 студзеня у гарадской бібліятэке-філіяле №2 мерапрыемства, прысвечанае 100-годдзю з дня нараджэння пісьменніка. Кожны раман ці аповесць Івана Шамякіна - гэта слова аб людзях, гэта раскрыццё маральных глыбінь чалавечых душ, гэта і яго споведзь аб сваіх ідэялах, сваіх надзеях, сваіх радасцях і сваіх болях.