21 лютага адзначаецца Міжнародны дзень роднай мовы. Для нашага народа родная мова – беларуская, яна займае сваё пачэснае месца сярод іншых моў свету.
З гэтай нагоды 11 лютага ў раённай дзіцячай бібліятэцы адбылася творчая сустрэча з салігорскімі паэткамі В. Бабко-Аляшкевіч і А. Разумоўскай пад назвай «Слова да слова – гэта родная мова». Удзел у мерапрыемстве прынялі вучні 1 «В» класа ДУА «Гімназія №3 г. Солігорска». Дзеці з вялікім задавальненнем слухалі вершы на беларускай мове, адгадвалі загадкі.
Для удзельнікаў мерапрыемства была аформлена кніжная выстава з лепшымі выданнямі класікаў беларускай літаратуры і сучасных аўтараў «Матчынай мовы цёплыя словы» і праведзена займальная эскурсія па бібліятэцы.