У гэтым годзе адзначаецца 110-годдзе з дня нараджэння пісьменніка-земляка Максіма Лужаніна, які нарадзіўся ў вёсцы Прусы Салігорскага раёна, а вучыўся ў Краснаслабодскай школе. Для дзяцей Максім Лужанін пісаў вельмі цікавыя казкі і вершы.
13 лістапада ў Краснаслабодскай гарпасялковай бібліятэцы ў межах праекта "Чароўная скарбонка" адбылося літаратурнае знаёмства "Хто робіць надвор’е?". Бібліятэкары вырашылі пазнаёміць выхаванцаў ДУА "Краснаслабодскі дзіцячы сад-яслі №2" з творамі знакамітага пісьменніка.