Першага верасня ў чытальнай зале раённай цэнтральнай бібліятэкі для вучняў 7-х класаў ДУА «Сярэдняя школа №8 г. Салігорска» прайшоў урок ведаў “Я вырас тут, і край мне гэты дарагі”. Супрацоўнік бібліятэкі Ніна Мігун расказала вучням пра вытокі, знакамітых людзей Салігоршчыны, пра традыцыі роднага краю, пра святы і абрады беларусаў. Вучні прынялі ўдзел у пазнавальна – забаўляльнай гульні “Святы і абрады беларусаў”. Станоўчыя эмоцыі і добры настрой прысутнічалі на сустрэчы.