На зямлі беларускай не знайсці, мабыць, ні адной сям'і, дзе б не ведалі ці не чыталі кніг Івана Пятровіча Шамякіна. Яго кнігі выходзілі мільённымі тыражамі, перакладаліся на многія мовы свету, ператвараліся ў сцэнары кінафільмаў і тэатральных пастановак. Ён сам стаў не толькі народным пісьменнікам Беларусі, але і сапраўды класікам нацыянальнай літаратуры ХХ стагоддзя.